Kryeministri në detyrë i Kosovës, Albin Kurti, ka vlerësuar lartë kontributin e Ministrisë së Bujqësisë dhe ministrit në detyrë, Faton Peci, në rritjen e kapaciteteve bujqësore të vendit, ndonëse ky i fundit është nën hetim nga organet e drejtësisë për një rast të dyshuar për korrupsion.
Gjatë një reagimi për Panairin “Agrokos & Agroturizëm 2025”, një ngjarje e përvitshme ku marrin pjesë prodhues të kulturave bujqësore, përpunues ushqimorë dhe përfaqësues të sektorit të agroturizmit, Kurti theksoi se rezultatet pozitive janë fryt i qeverisjes së suksesshme.
“E kjo padyshim është edhe rezultat i trajtimit me prioritet e seriozitet që i kemi bërë sektorit të bujqësisë dhe qeverisjes së mirë e të suksesshme të ministrit të linjës, Faton Peci”, shkroi Kurti në Facebook.
Ai prezantoi edhe disa të dhëna për arritjet në bujqësi, duke theksuar mbështetjen financiare për fermerët dhe rritjen e sipërfaqeve të punueshme.
“Për herë të parë, janë ndarë 300 milionë euro për 120 mijë fermerë përmes granteve dhe subvencioneve, me ç’rast mbështetja për grurin është rritur me 275%, e për bujqësinë organike me 500%”.
“Janë rehabilituar sisteme ujitjeje për mbi 11 mijë hektarë dhe është rritur për 50% toka e punueshme bujqësore për vetëm katër vjet – nga rreth 80 mijë hektarë në mbi 120 mijë hektarë. Prodhimi vendor dhe konkurrueshmëria e produkteve tona në tregje të huaja është rritur. Nga viti 2019 deri më sot, eksporti i domateve, zarzavateve dhe perimeve të konservuara është shumëfishuar”, shtoi Kurti.
Ndërkohë, ministri në detyrë i Bujqësisë, Faton Peci, dhe kryeshefi i Agjencisë së Ushqimit dhe Veterinës, Bekim Hoxha, janë intervistuar nga Njësia e Veçantë Hetimore të martën në cilësinë e të dyshuarve lidhur me rastin e dhënies me qira të fabrikës për mbetje shtazore.
Pas intervistimit, ata janë liruar në procedurë të rregullt.
Sinjali – aty ku e vërteta flet para lajmit!
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
