Pas takimit njoftues me zëvendëskryeministrin e Parë dhe Ministrin e Punëve të Jashme, Glauk Konjufcën, Përfaqësuesi Special i Bashkimit Evropian për dialogun Kosovë-Serbi, Peter Sorensen, ka zhvilluar edhe takime në godinën e Qeverisë së Kosovës.
Sipas burimeve të Klan Kosova, ai ka zhvilluar takime në këtë godinë, por ende nuk është bërë publike se me kë është takuar saktësisht.
“Vlen të ceket se partitë opozitare nuk kanë zhvilluar ende takime me të, përveç një përgjigjeje nga sekretarja e PDK-së, e cila ka njoftuar se rreth orës 16:00 do të takohet me drejtoreshën e BE-së, tha gazetarja e Klan Kosova, Sala Gashi.
