Një ngjarje e pazakontë ka ndodhur gjatë ditës së sotme në rajonin e Pogradecit, ku një parashutist nga Maqedonia e Veriut ka pësuar një aksident ajror për shkak të stuhisë që mbretëroi në zonë.
Si pasojë e rërave të fuqishme, fluturimi i parashutistit ka devijuar dhe ai ka rënë në fshatin Alarup të Pogradecit.
Menjëherë pas raportimit nga komandanti i Shën Naumit të Maqedonisë së Veriut, shërbimet e Drejtorisë Vendore të Kufirit dhe Migracionit Korçë kanë reaguar shpejt, duke u dërguar në vendngjarje. Ata kanë lokalizuar parashutistin dhe kanë marrë kontakt me të. Sportisti, shtetasi V. P., është ndier shumë mirë dhe nuk ka pasur dëmtime.
“Nga ana e shërbimeve të DVKM Korçë, është bërë e mundur dërgimi i këtij shtetasi në PKK Tushemisht, i cili ka kaluar për në Maqedoninë e Veriut”, thuhet në njoftimin e policisë.
Sportisti ka falënderuar shërbimet e Policisë së Shtetit për reagimin e menjëhershëm dhe profesionalizmin e treguar gjatë operacionit të shpëtimit.
Sinjali – aty ku e vërteta flet para lajmit!