Instituti Hidrometeorologjik bën të ditur se sot në Kosovë do të mbajë mot i vranët dhe me shi.
Në viset e larta parashihen reshje bore, derisa edhe në disa pjesë reshjet e borës mund të përfshijnë edhe viset mesatare.
IHK njofton se temperaturat minimale do të lëvizin ndërmjet -5 deri-2 gradë Celsius, ndërsa maksimalet e ditës parashihen të lëvizin ndërmjet 4-7 gradë Celsius.
Ndërkaq, Agjencia e Shërbimeve të Navigacionit Ajror ditë më parë në parashikimin javor të motit ka njoftuar se e premtja do të karakterizohet me reshje shiu të cilat vende-vende do të jenë të intensitetit të shtuar dhe erëra të furishme jugore nga 15 – 25 m/s, të cilat mund të vështirësojnë veprimtaritë normale të qytetarëve.
Orët e pasdites pritet që drejtimi i erës të ndërrojë kahje veriore, me ç’rast reshjet e shiut do të shndërrohen në të borës, e cila mund të krijoj shtresa edhe në nivelet e ulëta urbane.
Fundjava dhe fillimi i javës së ardhshme do të jetë me acar tipik dimëror dhe temperatura të ulëta nën mesataret e periudhës. /Telegrafi/
https://www.facebook.com/plugins/post.php?href=https%3A%2F%2Fwww.facebook.com%2FRKS.ANSA%2Fposts%2Fpfbid035DYh9doCTzdRMAe9VJi75xPvkrSfyLywS2UKj56rRbTtFgtX8MmP6HLdJuCAE7FGl&show_text=true&width=500
