Të premten, futbollistet e Kosovës arritën një fitore historike, duke mposhtur Estoninë me rezultatin 8:0 në stadiumin “Fadil Vokrri”.
Megjithatë, skenari ndryshoi të hënën, kur dy përfaqësueset u përballën përsëri në një ndeshje miqësore, në të njëjtën fushë.
Kësaj here, Estonia mori fitoren me rezultatin 2:1, njofton Klankosova.tv.
Golin e parë për mysafiret e realizoi Vlada Kubassova në minutën e 23-të, ndërsa Kristina Teern dyfishoi epërsinë 12 minuta më vonë, duke e mbyllur pjesën e parë me avantazhin të dyfishtë.
Kosova tentoi të rikthehej në lojë, por pa sukses që të marr rezultat nga kjo ndeshje.
Një mundësi e artë u shfaq në minutën e 84-të, kur Kosova fitoi një penallti.
Megjithatë, Modesta Uka nuk arriti ta konkretizojë, pasi goditja e saj përfundoi në shtyllë, raporton Klankosova.tv.
Krejt çka bënë “Dardanet” ishte një gol i minutës 92. Këtë herë nga penalltia, Donjeta Halilaj ishte e saktë, për rezultatin përfundimtar Kosova 1-2 Estonia.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
