Presidentja e Republikës së Kosovës, Vjosa Osmani, priti sot në takim menaxheren e re të zyrës së Bankës Botërore për Kosovë, znj. Carole Megevand.
Me këtë rast, Presidentja Osmani e uroi znj. Megevand për emërimin e saj në rolin e ri, duke i dëshiruar suksese gjatë mandatit në Kosovë.
Presidentja Osmani shprehu mirënjohje për mbështetjen e vazhdueshme që Banka Botërore i ka dhënë Republikës së Kosovës ndër vite. Ajo theksoi se ky kontribut ka ndikuar në zhvillimin e qëndrueshëm ekonomik të vendit, përmes investimeve në kapitalin njerëzor dhe përmirësimit të mirëqenies së qytetarëve.
Sinjali – aty ku e vërteta flet para lajmit!