Presidentja e Kosovës, Vjosa Osmani, ka pritur sot në takim ambasadorin e Republikës Federale të Gjermanisë, Jorn Rohde, raporton Gazeta Sinjali.
Gjatë takimit, Osmani dhe ambasadori gjerman diskutuan për zhvillimet aktuale politike dhe të sigurisë në vend.
Ndër temat e trajtuara ishte edhe procesi i konstituimit të institucioneve si rezultat i zgjedhjeve të 9 shkurtit.
Shefja e shtetit ka riafirmuar se “sikurse gjithmonë, do të veprojë në përputhje të plotë me Kushtetutën dhe ligjet në fuqi, duke garantuar stabilitetin institucional dhe respektimin e vullnetit të qytetarëve të Kosovës”.
“Në takim, Presidentja Osmani vlerësoi bashkëpunimin e ngushtë me Gjermaninë dhe partneritetin e palëkundur ndërmjet dy shteteve, duke theksuar rëndësinë e vazhdimit të përpjekjeve të përbashkëta për ta thelluar këtë partneritet dhe për të mbështetur rrugëtimin euroatlantik të Kosovës.”, thuhet tutje në njoftim.
Sinjali – aty ku e vërteta flet para lajmit!