Procesi i numërimit të votave në Komunën e Drenasit ka përfunduar plotësisht, me 100% të vendvotimeve të procesuara.
Sipas të dhënave të fundit të publikuara në orën 00:14 të datës 13 tetor 2025, janë përpunuar 25,120 vota nga gjithsej 57,342 të regjistruara.
Rezultatet tregojnë një fitore të qartë për Ramiz Lladrovcin, kandidatin e iniciativës “Për Drenasin Kampion me Ramiz Lladrovcin”, i cili ka siguruar 52,31% të votave, ose 13,140 vota.
Në vend të dytë renditet Petrit Hajdari nga Partia Demokratike e Kosovës (PDK) me 37,31% (9,373 vota), ndërsa pas tyre:
Egzona Tërdevci nga Lëvizja Vetëvendosje! – 4,01% (1,008 vota)
Naim Bazaj nga lista “Për Drenas e Kosovë” – 2,49% (625 vota)
Ajvaz Berisha nga Bashkimi Demokratik – 2,43% (610 vota)
Gazmend Heta nga Lidhja Demokratike e Kosovës (LDK) – 0,74% (187 vota)
Me këto rezultate përfundimtare, Ramiz Lladrovci siguron një tjetër mandat në krye të komunës.
