Tani ka në dorë timonin e institucionit më të rëndësishëm ligjvënës.
Dimal Basha, që nga 26 gushti i 2025-ës, në tentativën e dytë arriti t’i mbledh 73 vota të deputetëve për t’u bërë kryetar i Kuvendit të Kosovës, raporton Kiks Kosova.
Por, këtë “arritje profesionale”, Basha s’mundi ta shijojë edhe gjatë, kjo “falë” deklaratave skandaloze të cilat duket se i ka specialitet.
Kaloi një ditë, “plasi bomba”. Kësaj radhe Bashës “i dolën shesheve” preokupimet dhe mendimet që siç duket ka ai për UÇK-në.
Publikimi i një artikulli të Bashës të cilin e kishte punuar sa ishte student, ngjalli reagime, pasi në atë shkrim ai akuzonte Ushtrinë Çlirimtare të Kosovës (UÇK) për lidhje me krimin e organizuar dhe trafikimin e drogës.
Kjo ka shkaktuar reagime të forta nga veteranët e UÇK-së, analistët, por edhe politikanët, të cilët e kanë quajtur këtë një akt tradhtie dhe një përpjekje për të diskretituar luftën për liri.
Organizata e Veteranëve të Luftës së Ushtrisë Çlirimtare të Kosovës, ka kërkuar shkarkimin e menjëhershëm të tij.
Në një konferencë për media, OVL e quajti Bashën një njeri “që nuk e di vlerën e shtetit”.
Madje, nëse nuk merren parasysh kërkesat e tyre, ata kanë paralajmëruar masa.
Deputetja e komunitetit boshnjak, Duda Balje, nuk e kurseu. Ajo la të nënkuptohej se Basha nuk është njëri i pastër.
Shkarkimin e Bashës e kërkoi edhe kryetari i Drenasit, Ramiz Lladrovci.
E sipas deputetit të LDK-së, Arben Gashi, Dimal Basha është përfaqësuesi më autentik i Lëvizjes Vetëvendosje.
Ndiqeni të plotë kronikën më poshtë:
The post ”Njeri që nuk ia di vlerën shtetit” – OVL UÇK kërkon shkarkimin e Dimal Bashës (VIDEO) appeared first on Klan Kosova.