Një aksident trafiku ka ndodhur të shtunën pasdite në rrugën “UÇK” në Prishtinë, ku një këmbësor është goditur nga një veturë.
Lajmin e ka konfirmuar për Gazeta Sinjali zëdhënësi i Policisë së Kosovës, për rajonin e Prishtinës Enis Pllana.
“Në aksident janë përfshirë një veturë dhe një këmbësor. Si pasojë, lëndime ka pësuar një person, i cili ka pranuar tretman mjekësor”, ka thënë Pllana.
Ai bëri të ditur se me rastin po merret Njësia e Trafikut të kryeqytetit, teksa nuk janë dhënë ende detaje shtesë për gjendjen e të lënduarit apo rrethanat e aksidentit.
Sinjali – aty ku e vërteta flet para lajmit!