Një ngjarje tragjike ndodhi të martën në Windsor të Anglisë, ku biznesmeni indian Sunjay Kapur, 53 vjeç, humbi jetën gjatë një ndeshjeje polo pas një ataku në zemër. Dëshmitarët raportojnë se ai kishte gëlltitur një bletë pak çaste para se të rrëzohej në fushë, duke dyshuar për një shok anafilaktik fatal, shkruan Gazeta Sinjali.
Kapur, pronar i ekipit Aureus dhe mik i Princit William, po merrte pjesë në gjysmëfinalen e Cartier Queen’s Cup në Guards Polo Club, një klub me lidhje të forta me familjen mbretërore. “Kam gëlltitur diçka”, raportohet t’u ketë thënë shokëve të skuadrës para se të rrëzohej.
Ai ishte kryetar i kompanisë globale të pjesëve automobilistike Sona Comstar dhe një figurë e njohur në botën e biznesit ndërkombëtar. Kompania që drejtonte e përshkroi si një udhëheqës vizionar dhe të përkushtuar.
Guards Polo Club, ku Mbreti Charles III është president, shprehu ngushëllime të thella për familjen dhe ekipin e Kapur, duke theksuar ndikimin e tij në komunitetin e polos.
Sunjay Kapur la pas bashkëshorten Priya Sachdev dhe djalin e tyre të vogël, Azarias. Ai ishte gjithashtu ish-bashkëshort i aktores së Bollywood-it, Karisma Kapoor.
Sinjali – aty ku e vërteta flet para lajmit!
