Një ngjarje tragjike ka ndodhur të martën në fshatin Graboc të Pejës ku një person ka vdekur gjersa ishte duke punuar në një shtëpi.
Policia ka thënë se i njëjti ishte rrëzuar nga një lartësi prej tre metrash dhe si pasojë e lëndimeve të marra ka ndërruar jetë.
Rreth rastit ka dalë me një reagim edhe Inspektorati Qendror i Punës, i cili ka bërë të ditur se i ndjeri ka qenë vëllai i pronarit të shtëpisë ku edhe humbi jetën
“Bazuar në raportin zyrtar të inspektimit, është konstatuar se:
Ngjarja ka ndodhur brenda një shtëpie private të një pronari i cili jeton jashtë vendit.Personi i ndjerë, ka qenë vëllai i pronarit të shtëpisë, dhe nuk ka qenë i angazhuar si punëtor, por është gjetur i lënduar brenda objektit nga punëtorët e suvatimit të angazhuar vetëm për pjesën e jashtme të shtëpisë”.
“Nga deklarimet e marra nga inspektorët dhe palët e pranishme (Policia) dhe nga kamerat e sigurisë, është vërtetuar se askush nga punëtorët nuk ka punuar në pjesën e brendshme të shtëpisë në momentin e ngjarjes.
Inspektorati konstaton se nuk ekziston raport punëdhënës–punëmarrës, pasi i ndjeri nuk ka qenë punëtor dhe nuk kishte marrëdhënie pune sipas Ligjit Nr. 03/L-212 për Punën dhe Ligjit Nr. 04/L-161 për Sigurinë dhe Shëndetin në Punë”.
Ky Inspektorat ka sqaruar se rasti nuk lidhet me vendin e punës dhe nuk hyn në kategorinë e aksidenteve në punë sipas legjislacionit në fuqi.
Vdes një person në Pejë, ra nga një lartësi prej 3 metrash derisa po punonte
