Kryeministri izraelit Benjamin Netanyahu ka paralajmëruar për përshkallëzim të mëtejshëm të sulmeve ajrore ndaj Iranit, duke deklaruar se forcat izraelite kanë shkaktuar “dëme serioze” në centralet bërthamore iraniane dhe se udhëheqësit e Teheranit “po përgatisin valixhet”, shkruan Gazeta Sinjali.
Në një fjalim televiziv, Netanyahu tha se “në një të ardhme shumë të afërt do të shihni avionë luftarakë të Forcave Ajrore Izraelite mbi qiellin e Teheranit”, duke kërcënuar se çdo vend dhe objektiv i regjimit iranian do të goditet. Ai shtoi se çfarë është ndjerë deri më tani “nuk është asgjë në krahasim me atë që do të ndiejnë ditët në vijim”.
Netanyahu deklaroi se operacioni ushtarak kundër Iranit ka mbështetje të qartë nga presidenti amerikan Donald Trump, duke theksuar se fushata ushtarake do të vazhdojë derisa të arrihet fitorja. Ai justifikoi sulmet duke pretenduar se Irani po planifikonte të transferonte armë bërthamore te “të dërguarit terroristë”.
Pas fjalimit të tij, mediat izraelite raportuan ngritjen e skuadriljeve të reja ajrore drejt Iranit. Ndërkohë, zyrtarët ushtarakë izraelitë pretendojnë se sulmet në Natanz dhe Isfahan kanë shkaktuar dëme të mëdha, ndërsa Irani i ka quajtur dëmet të kufizuara, duke konfirmuar vdekjen e nëntë ekspertëve.
Sinjali – aty ku e vërteta flet para lajmit!
The post Netanyahu kërcënon drejtërdrejtë një fjalim televiziv: Avionët tanë do të fluturojnë mbi Teheran appeared first on Sinjali.
