20:16 / E Premte, 09 Maj 2025 / Gj. Sh
PSG ka arritur në finalen e Champions League për herë të dytë në histroinë e klubit.
Kampioni i Francës, në gjysëmfinale e eliminoi skuadrën e Arsenalit, ndërsa në finale do të përballet me Interin, shkruan IndeksOnline.
E trajneri spanjoll, Luis Enrique i cili drejton parisienët, tha se nëse ka një skuadër e cila e meriton të fitojë Ligën e Kampionëve, është PSG-ja.
”Ne e kemi vendosur vetes këtë qëllim dhe e dimë se çfarë do të thotë të jesh i pari. Por duhet të jetë një motivim. Nuk mund të jetë barrë. Çdo tepricë është një barrë. Një gëzim i jashtëzakonshëm është një barrë kur duhet të jesh konkurrues.
Interi i njeh finalet; ai luajti një dy vjet më parë kundër Manchester City. Ata janë lojtarë me më shumë përvojë se i yni, një ekip që ka ndërtuar për një kohë të gjatë.
Jemi të gjithë gati në Paris për të bërë histori. Tifozët janë gati sepse do të jetë finalja e dytë. 2020 ishte viti i COVID-19, por pa tifozët nuk është e njëjta gjë. Nëse ka një skuadër që meriton të fitojë Ligën e Kampionëve, është PSG.”, deklaroi Enrique./IndeksOnline/
