Askush nuk dëshiron t’i japë fund luftës në Ukrainë më shumë se sa ukrainasit, por ajo duhet të rezultojë në paqe, tha kreu i administratës presidenciale të Ukrainës për Euronews në Davos, pasi presidenti Volodymyr Zelensky iu drejtua delegatëve duke i bërë thirrje Evropës të zgjohet.
“Evropa nuk mund ta lejojë veten të jetë e dyta apo e treta në radhë për aleatët e saj”, tha presidenti ukrainas.
Zelensky në fjalimin e tij në Davos, ka bërë ‘thirrje zgjimi’ të ashpër për kontinentin.
“Mesazhi nuk mund të ishte më urgjent: lufta gjithëpërfshirëse e Rusisë kundër Ukrainës, tashmë në vitin e tretë, mbetet në pragun e të gjithëve. Betejat që përfshijnë ushtarë të Koresë së Veriut po ndodhin tani në vende gjeografikisht më afër Davos-it sesa Phenianit”, tha udhëheqësi ukrainas.
Kreu i administratës së tij, Andriy Yermak, i tha Euronews se Ukraina ka nevojë për mbështetjen e kontinentit, për t’i dhënë fund luftës që ajo kurrë nuk donte të ndodhte në radhë të parë.
“Ne jemi viktimë e këtij agresioni dhe me të vërtetë duam të rivendosim një paqe të drejtë. Ne duam t’i japim fund kësaj lufte. Por sigurisht, këtë vit në Davos, fjalimi i presidentit ishte posaçërisht për këtë moment dhe për Evropën”, shpjegoi Yermak.
Fjalimi i Zelensky në Davos erdhi vetëm një ditë pas inaugurimit të presidentit të SHBA, Donald Trump dhe autoritetet e Kievit mbeten të sigurta se administrata e re amerikane do të qëndrojë në krah të Ukrainës.
“Ne vlerësojmë gatishmërinë e presidentit të SHBA-së dhe administratës së re për ta bërë atë realitet dhe për t’i dhënë fund luftës me paqe të drejtë”, tha Yermak.
Kur bëhet fjalë për agresionin e Rusisë, “është e nevojshme të jemi bashkë: Evropa, Shtetet e Bashkuara me Ukrainën dhe të shkojmë drejt paqes përmes forcës”, shtoi ai./Telegrafi
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
