Humbja në sekondat e fundit që kampionja aktuale e pësoi në Mitrovicë nga Prishtina, bëri që renditja tabelare të ndryshojë në Procredit Superligën e Kosovës në basketboll.
Trepça ra në vendin e dytë me 12 fitore e 6 humbje, kurse Bashkimi që fitoi kundër Borës, mori lidershipin në kampionat, duke qenë skuadra me më së shumti triumfe këtë edicion, 13 sosh, si dhe me më së paku disfata, vetëm 5, njofton Klankosova.tv.
Peja, Vëllaznimi dhe Prishtina me nga 28 pikë, pozicionohen në vendet 3, 4 dhe 5, kurse i gjashti është Ylli me dy pikë më pak.
Bora me 23 pikë dhe Prizreni me 22, e përmbyllin renditjen pas 18 xhiro në elitën basketbollistike të Kosovës.
Vikendi është i rezervuar për derbin kryesor kampional, ku në kryeqytet përballen dy skuadrat që kanë më së shumti tituj të kampionit në histori të këtij sporti.
Prishtina – Peja transmetohet direkt në kanalin Sport 1 të platformës kryesore shqiptare, Art Motion, me fillin në orën 17:00!
Ndërkohë, Trepça shkon te Prizreni, kurse prizrenasit tjerë, ata të Bashkimit, udhëtojnë te Ylli në Suharekë, raporton Klankosova.tv.
Bora është nikoqire e Vëllaznimit!
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
