Futbollistët kosovarë kanë ndikim të madh në botë dhe ata kështu po e përfaqësojnë edhe shtetin tonë.
Pas fitores të madhe 0-1 të Kosovës ndaj Suedisë, Hoffenheim ka publikuar në rrjetet sociale fotot e tre futbollistëve kosovarë që luajtën nga minuta e parë: Albian Hajdari, Fisnik Asllani dhe Leon Avdullahu.
“Krenar me juve Albi, Leon dhe Fis”, shkroi Hoffenheim, duke treguar vlerësimin dhe mbështetjen e klubit për paraqitjen e tyre.
Ky mesazh nënvizon ndikimin e lojtarëve kosovarë në Bundesliga, si dhe rolin e tyre vendimtar në përfaqësimin e Kosovës në arenën ndërkombëtare.
Vëmendja që Hoffenheim u ka kushtuar futbollistëve tregon se Dardanët po bëhen gjithnjë e më me ndikim në klub dhe në skenën evropiane. /Telegrafi/