Policia e Komunikacionit Rrugor në Ferizaj ka njoftuar se ka ndëshkuar një shofere 50 vjeçare për tejkalim të automjeteve nga ana e djathtë, një shkelje e rrezikshme e rregullave të trafikut.
Shoferja me inicialet S.S është dënuar me gjobë prej 150 euro, 1 pikë negative dhe ndalim i drejtimit të mjetit për 3 muaj.
Siç njofton Policia, videoja e tejkalimit ishte publikuar më parë në një portal me video-inçizim.
“Ngjarja ka ndodhur më 28.07.2025, në rrugën magjistrale Ferizaj–Kaçanik, përkatësisht në afërsi të qendrës tregtare “Bau Market”, ku shoferja S.S. (50 vjeçe), me veturën BMË me targa vendore ka kryer tejkalim të automjeteve nga ana e djathtë, duke rrezikuar seriozisht sigurinë e pjesëmarrësve të tjerë në trafik”, njofton PK. /Klankosova.tv
The post Ndëshkohet shoferja 50 vjeçare që tejkaloi automjetet nga ana e djathtë në Ferizaj appeared first on Klan Kosova.
