Nazmi Gripshi po përjeton një sezon fantastik në Ligën Premier të Kazakistanit, ku tashmë është golashënuesi më i mirë i kampionatit me 15 gola të realizuar.
Mesfushori shqiptar shkëlqeu sërish të dielën, duke udhëhequr Astanan drejt fitores 2-1 ndaj Okzhetpes, në kuadër të javës së 24-të.
Gripshi shënoi të dy golat nga pika e bardhë, në minutën e 5-të dhe të 81-të, përpara se të zëvendësohej me bashkëkombësin Driton Camaj.
Përveç 15 golave, 28-vjeçari ka kontribuar edhe me 6 asistime, duke u shndërruar në lider absolut të skuadrës.
Astana kryeson tabelën me 53 pikë, ndërsa Okzhetpes mbetet në pozitën e tetë me 32 pikë. /Telegrafi/