Në Prekaz të Skenderajt janë ndezur flakadanët, duke shënuar fillimin e manifestimit tradicional “Nata e Zjarreve”.
Ky manifestim po organizohet në nderim të veprës dhe sakrificës së komandantit Adem Jashari dhe familjes së tij, raporton Klankosova.tv.
“Nata e Zjarreve” shënon ditën e tretë dhe të fundit të Epopesë së Ushtrisë Çlirimtare të Kosovës, duke simbolizuar qëndresën treditore të Familjes Jashari përballë forcave serbe në mars të vitit 1998.
