Monodrama “42nd Street” është shfaqja e parë shqiptare që merr pjesë në festivalin prestigjioz në “New York Theater Festival”. Diar Xani është autori, regjisori si dhe aktori i kësaj monodrame.
Monodrama është titulluar “42nd Street”, sipas rrugës së famshme të 42-të, në Manhattan, që shquhet për ndriçimin e reklamave që projektojnë luks dhe mirëqënie, ku vërshojnë turistë, por edhe një rrugë që ka tërhequr historikisht, të pastrehë dhe krimin ordiner. Kjo është rruga nga nis sheshi i famshëm Times Square i festave tradicionale të ndërrimit të viteve si dhe i stacioneve të autobusëve dhe trenave të MetroNorth.
Ky koncept është pëlqyer menjëherë nga juria përzgjedhëse e edicionit të dimrit të destivalit të New York-ut që e ka pranuar monodramën “42nd Street” si një nga konkurrueset e reja.
Kjo shfaqje do të jetë tre herë në skenë më 26 shkurt në Hudson Guild Theater në New York nga ora 16:00, ndërsa reprizat më 28 shkurt, nga ora 18:30 dhe më 2 mars 2025, nga ora 13:00.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
