Dy persona janë arrestuar nga policia e Korçës në aksin rrugor “Kapshticë-Bilisht” , pasi u kapën duke transportuar veshje kontrabandë nga Greqia, ndërsa katër punonjës të Degës Doganore Kapshticë janë proceduar penalisht për veprën penale “shpërdorim detyre”.
Operacioni i koduar “Mission Failed” është finalizuar nga Seksioni për Hetimin e Krimeve Ekonomike dhe Financiare, për të goditur veprimtarinë kriminale të kontrabandës së mallrave. Gjatë operacionit, shërbimet e Policisë ndaluan dy automjete në aksin rrugor “Kapshticë-Bilisht”, duke zbuluar veshje të dyshuara se janë kontrabanduar nga Greqia, pa u paguar taksat doganore, transmeton Klankosova.tv.
Gjatë operacionit, u sekuestruan veshjet, dy automjete dhe tre celularë. Materialet hetimore i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
