Një vizitë e ministrit izraelit të Sigurisë Kombëtare, Itamar Ben-Gvir, tek aktivistët e ndaluar nga autoritetet izraelite, ka nxitur reagime të shumta. Aktivistët ishin pjesë e “Flotila Globale Sumud”, një nismë ndërkombëtare që synonte të sfidonte bllokadën ndaj Gazës dhe të sillte ndihma humanitare.
Gjatë vizitës së tij në vendin e ndalimit, Ben-Gvir përdori gjuhë të ashpër, duke i cilësuar aktivistët si armiq dhe mbështetës të terrorizmit.
“Këta janë terroristët. Janë terroristë. Shikojini mirë. Janë mbështetës të vrasësve. Kanë ardhur për Gazën, për të mbështetur terroristët”, deklaroi ai.
Deklaratat e tij pasqyrojnë linjën e ashpër të qeverisë izraelite ndaj çdo përpjekjeje për të thyer bllokadën ndaj Rripit të Gazës, të cilën Izraeli e konsideron çështje sigurie kombëtare.
Israel’s National Security Minister Itamar Ben-Gvir visited detained activists from the Global Sumud Flotilla.
“These are the terrorists. They are terrorists. Look at them. Supporters of murderers. They came for Gaza, for the terrorists. pic.twitter.com/wx2bApCGbQ
— Clash Report (@clashreport) October 3, 2025
Nga ana tjetër, aktivistët – që përfshijnë qytetarë nga vende të ndryshme dhe organizata të të drejtave të njeriut – pretendojnë se veprimet e tyre janë paqësore dhe kanë për qëllim të tërheqin vëmendjen ndaj krizës humanitare në Gaza.
Kjo ngjarje ka shkaktuar reagime të ndryshme në arenën ndërkombëtare: disa shtete dhe organizata kanë dënuar ndalimin e aktivistëve dhe kanë mbrojtur të drejtën e tyre për protestë paqësore, ndërsa të tjera kanë shprehur mbështetje për Izraelin, duke theksuar të drejtën e tij për të garantuar sigurinë kombëtare.
Sinjali – aty ku e vërteta flet para lajmit!