Ministri i Jashtëm i Iranit, Abbas Araghchi, ka komentuar vrasjen e Ali Larijanit gjatë një interviste për Al Jazeera, të publikuar këtë mëngjes.
Ai theksoi se mungesa e një shefi të fuqishëm të sigurisë nuk do të ndryshojë situatën në Iran, transmeton Telegrafi.
“Nuk e di pse amerikanët dhe izraelitët ende nuk e kanë kuptuar këtë pikë: Republika Islamike e Iranit ka një strukturë të fortë politike me institucione të vendosura politike, ekonomike dhe sociale. Prania ose mungesa e një individi të vetëm nuk ndikon në këtë strukturë”, tha Araghchi.
Ai shtoi se, megjithëse individët kanë ndikim dhe secili luan rolin e tij – disa më mirë, disa më keq, disa më pak – ajo që ka rëndësi është se sistemi politik në Iran është një strukturë shumë e fortë.
Araghchi gjithashtu kujtoi vrasjen e udhëheqësit të mëparshëm suprem, Ali Khamenei, duke theksuar se “sistemi vazhdoi” pavarësisht humbjes së individit.
Sulmet izraelite në Bejrut kanë shkaktuar gjashtë të vdekur dhe dhjetëra të plagosur, ndërsa raketat e IDF-së kanë shkatërruar një ndërtesë, duke rritur tensionet në rajon.
Sinjali – aty ku e vërteta flet para lajmit!
