Alvaro Morata e nisi e Tijjani Reijnders e bitisi.
Milan ka marr 3 pikë nga dueli kampional kundër Empolit.
Skuadra e Ardian Ismajlit nuk mundi t’u bëjë ballë “Rossonerëve”, të cilët që në minutën e 19-të treguan dhëmbët, kur sulmuesi spanjoll, realizoi për 1-0.
Për të treguar se pikët e plota do të mbeten në “San Siro”, një minut para se të mbyllej koha e rregullt e pjesës së parë, reprezentuesi norvegjez, Reijnders, shënoi golin e dytë për vendasit.
Me avantazh të dyfishtë, skuadra milaneze e qetë shkoi në pushimin mes dy pjesëve, raporton Klankosova.tv.
I njejti futbollist realizoi edhe për rezultatin përfundimtar të ndeshjes, Milan 3-0 Empoli.
Pas kësaj fitoreje, milanezët kanë 22 pikë, shtatë më pak se Napoli i vendit të parë në Serie A, i cili luan nesër si mysafir i Torinos.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
