Edhe pse kanë kaluar më shumë se dy javë nga përfundimi i spektaklit më të ndjekur në Shqipëri, Big Brother VIP Albania, emri i Gjestit, fituesit të këtij edicioni, vijon të jetë në qendër të vëmendjes në media dhe rrjetet sociale.
Kurorëzimi i tij si triumfues i madh i këtij formati ka ngjallur reagime të shumta, si nga publiku, ashtu edhe nga vetë ish-banorët.
Një ndër reagimet më të komentuara erdhi nga Laerti, finalisti dhe konkurrenti i këtij sezoni, i cili në një deklaratë të drejtpërdrejtë dhe pa dorashka, e cilësoi Gjestin si një “analfabet funksional”.
Por në mbrojtje të Gjestit doli gazetari dhe analisti i njohur, Milaim Zeka, i cili në një intervistë për emisionin Prive në Klan Kosova, u shpreh se fitorja e Gjestit ishte më se e merituar.
“Për mua, Gjesti është njeriu më meritor që e ka fitu lojën e Big Brother-it. E ka pranuar vetë: ‘Jam pa shkollë, jam ky që jam’. S’ka njeri më të mirë se ai që e pranon veten e vetë”, deklaroi Zeka. /Telegrafi/
