Ky është momenti i habitshëm kur një migrant i paligjshëm u ngrit në qiell për të fluturuar me parashutë drejt Evropës, duke zbritur në një enklavë spanjolle mbi një gardh kufitar të fortifikuar.
Dhe sipas mediave të huaja, përcjell Telegrafi, policia e habitur nxitoi drejt zonës pasi pa kalimin e guximshëm ajror në kamerat e sigurisë.
Por e tëra çfarë gjetën nga një kërkim i vendit ku u ul burri misterioz ishte pajisja shumëngjyrëshe e braktisur e parashutizmit në shkurre.
Thyerja e suksesshme e kufirit ishte e para e këtij lloji e tentuar ose e arritur ndonjëherë në këtë zonë të veçantë midis Marokut dhe enklavës spanjolle të Afrikës Veriore, Ceuta, përballë Gjibraltarit.
Përpjekje të ngjashme për parashutizëm janë bërë më parë në pjesë të tjera të rajonit kufitar.
Pamjet e veprimit historik treguan migrantin duke “fluturuar” mbi malin Jebel Musa në Marok para se të zbriste në tokën evropiane në zonën Sidi Ibrahim të Ceutas, e cila është e njohur për ecësit e fundjavës dhe çiklistët malorë.
Një hetim po vazhdonte për të zbuluar identitetin e parashutistit pasi nuk ishte e qartë këtë mëngjes nëse ai ishte maroken apo afrikan subsaharian. /Telegrafi/