Një burrë në Belgjikë është përballur me një grup hajdutësh të maskuar që tentuan t’i vjedhin makinën në mes të ditës.
Stéphane Crombet, 41 vjeç, ndodhej në shtëpinë e tij në Hainaut kur vuri re se dritat sinjalizuese të automjetit të tij u ndezën papritur.
Ai doli menjëherë jashtë për të parë çfarë po ndodhte dhe u përball ballë për ballë me dy persona të maskuar në hyrje të oborrit.
Në videon e publikuar, shihet momenti kur ai merr një shkop bejsbolli dhe “vrapon drejt hajdutëve” për t’i larguar.
Hajdutët ikin me shpejtësi, duke braktisur përpjekjen për grabitje.
Ngjarja ka marrë vëmendje të gjerë në rrjetet sociale, ku shumë e kanë quajtur Crombet një “hero të përditshëm”. /Telegrafi/