Më shumë se 1,000 automjete ushtarake gjermane kanë mbërritur në Lituani për të marrë pjesë në stërvitjen në shkallë të gjerë të NATO-s në krahun lindor të aleancës.
Dy anije mallrash transportuan automjete luftarake, automjete të blinduara, kamionë ushtarakë, pajisje dhe personel nga porti gjerman i Rostockut përmes Detit Baltik drejt Lituanisë, anëtare e Bashkimit Evropian dhe NATO-s.
Pas mbërritjes në portin e Klaipedës, konvoji i Brigadës së 37-të të Këmbësorisë së Blinduar u drejtua për në Pabrade dhe baza të tjera ushtarake lituaneze.
Në Lituani, trupat dhe automjetet do të marrin pjesë në stërvitjen “Quadriga 2025”, e cila fokusohet në mbrojtjen e rajonit Baltik në kushte krize dhe lufte.
Bundeswehr-i planifikon që Lituania të bëhet një nga qendrat kryesore të përfshirjes së tij ushtarake në vitet e ardhshme. Në përgjigje të situatës së sigurisë në Evropë dhe sjelljes agresive të Rusisë, po krijohet ngadalë Brigada e 45-të e Blinduar, e quajtur “Lituania”, e cila pritet të jetë plotësisht funksionale deri në vitin 2027 dhe do të ketë 5,000 ushtarë.
Lituania kufizohet me enklavën ruse të Kaliningradit dhe aleatin e Rusisë, Bjellorusinë, duke e bërë këtë rajon strategjik për NATO-n dhe për sigurinë evropiane.
Sinjali – aty ku e vërteta flet para lajmit!