Në një shtet laik, ku feja dhe ligji janë të ndara, çfarë peshe ka martesa që nuk ekziston në sytë e ligjit?
Në emisionin “Ora Shtatë”, ishte kjo pyetje që u diskutua, me avokatin Petrit Lladrovci, imamin Jahir Beqiri dhe teologen Igballe Hudutin, transmeton Klankosova.tv.
Imami Beqiri thotë se ka qenë të njohura që në fenë myslimane, hoxha ta bënte nikahun për çiftet e reja.
“Mirëpo sipas të drejtave ligjore, për të lëshuar dokument, në bazë të pajtimit të dy partnerëve, dhe në praninë e prindërve apo kujdestarëve, pra me dëshmitarë e me letërnjoftim, kjo arkivohet dhe lëshohet nga Bashkësia Islame dhe është valide”, tha Beqiri.
Derisa Huduti thotë se Kosova është shtet laik, dhe sipas saj, të drejtat për nikah nuk shkelen.
I të njëjtit mendim ishte edhe Lladrovci, por sipas tij, para se të njihet një martesë religjioze, duhet të njihet një martesë ligjore.
The post Martesat në xhami, trend apo obligim? appeared first on Klan Kosova.
