Zëvendëspresidenti amerikan, JD Vance tha të mërkurën se ka pasur tre propozime të ndryshme me 10 pika lidhur me marrëveshjen me Iranin.
“Propozimi i parë me 10 pika ishte diçka që u paraqit, dhe ne mendojmë, sinqerisht, ndoshta u shkrua nga ChatGPT, që iu paraqit Steve Witkoff dhe Jared Kushner, që menjëherë u hodh në plehra dhe u refuzua”, u tha Vance gazetarëve ndërsa po largohej nga Hungaria.
Sipas tij propozimi i dytë me 10 pika ishte shumë më i arsyeshëm, i cili bazohej në disa debate midis SHBA, pakistanezëve dhe iranianëve.
“Ky është propozimi me 10 pika që presidenti e përmendi në dokumentin e tij “Truth” dje”, shtoi Vance. Ai kritikoi një propozim të tretë me 10 pika, të cilin tha se e ka parë në mediat sociale.
Sinjali – aty ku e vërteta flet para lajmit!
