Ndëshkimi me karton të kuq, që në minutën e 13-të, i trajnerit Bekim Isufi, duket e se motivoi edhe më shumë Malishevën.
Pa kaluar as 10 minuta nga ky episod, Arlind Veliu shënoi gol të bukur në portën e Ballkanit.
Këta të fundit arritën të kthehen në lojë përkohësisht, kur Gerald Smajli plasoi një goditje nga distanca, nga e cila topi përfundoi në rrjetë, njofton Klankosova.tv.
1-1 u mbyll pjesa e parë, gjatë së cilës kampionët e Kosovës, shpërdoruan raste të sigurta për gol.
Leksione se si nuk duhet të gabohet nga pozitat e volitshme, dha Malisheva.
Në mundësitë që i kishte gjatë pjesës së dytë, vendasit e ndëshkuan Ballkanin, duke realizuar dy herë.
Fillimisht rikthyen epërsinë me anë të Drilon Hazrollajt, në minutën 70-të, kurse krejt ndeshjen e mbyti Altin Aliu, me golin e realizuar në minutat shtesë, raporton Klankosova.tv
Paraprakisht, Bernard Karrica, që hyri në lojë në pjesën e dytë, u ndëshkua me karton të kuq dhe la Ballkanin me një lojtar më pak.
Në duelin tjetër të kësaj xhiro, Drita e mundi 2-0 Ferizajn dhe me 50 pikë të grumbulluara në 22 xhiro, udhëheq renditjen tabelare e qetë.
Ballkani është i dyti që ka ngelur prapa 11 pikë, kurse Malisheva pas kësaj fitore të sotme, i afrohet suharekasëve në vetëm dy pikë.
The post Malisheva i jep leksion Ballkanit, Drita “fluturon” appeared first on Klan Kosova.
