Presidenti i Malit të Zi ka thënë se vendi i tij nuk do ta ndryshojë qëndrimin e tij në raport me Kosovën.
Këtë deklaratë, Jakov Millatoviq e bëri gjatë një interviste për “Euronews”, raporton Klankosova.tv.
“Një ekonomist dhe ish-ministër i zhvillimit ekonomik, Millatoviq i ka balancuar ambiciet e tij për Evropën me dëshirën për marrëdhënie më të ngushta me Serbinë. Kjo përkundër faktit se ai nuk pajtohet me ish-partnerin e tij shtetëror federal për çështje kyçe, mbi të gjitha për njohjen e Kosovës”.
“Ndërsa Serbia nuk e ka njohur ende Kosovën dhe nuk tregon asnjë për ndryshim të mendjes, Mali i Zi e ka njohur dhe Millatoviq nuk dëshiron ta ndryshojë këtë”, shkruan Euronews, duke iu referuar intervistës së Millatoviqit, e cila e plotë do të transmetohet të enjten e ardhshme (12 dhjetor).
Në këtë intervistë, Millatoviq flet edhe për ambiciet e tij dhe të vendit të tij se anëtarësimi në BE është i mundur deri më 2028.
Ai e pranon se ka ende sfida në këtë rrugë, duke theksuar se “po të mos kishte sfida, ne veçse do të ishim pjesë e BE-së”. /Klankosova.tv
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
