Presidenti francez Emmanuel Macron deklaroi se vendimi i Supreme Court of the United States mbi tarifat tregtare të vendosura nga Donald Trump dëshmon rëndësinë e ekzistencës së kundërmasave dhe sundimit të ligjit në një demokraci.
“Nuk është keq të kesh një Gjykatë Supreme dhe, për rrjedhojë, sundimin e ligjit. Është mirë të kesh pushtet dhe kundërpesha ndaj pushtetit në demokraci,” u shpreh Macron, sipas Reuters.
Ai shtoi se Franca do të analizojë pasojat e tarifës së re globale prej 10% dhe do të përshtatet me situatën, duke theksuar se vendi synon të vazhdojë eksportet e produkteve bujqësore, të luksit, modës dhe sektorit aeronautik.
Macron theksoi se zgjidhja më e drejtë mbetet “reciprociteti” dhe jo nënshtrimi ndaj vendimeve të njëanshme.
Sinjali – aty ku e vërteta flet para lajmit!
