Lufta në Iran pritet të sjellë rritje të çmimeve të biletave të avionit në mbarë botën, pasi kostot e karburantit për avionë janë rritur ndjeshëm.
Sipas raportimeve, çmimi i karburantit të avionëve është rritur me rreth 56% pas sulmeve të para të SHBA-së dhe Izraelit ndaj Iranit më 28 shkurt.
Mbyllja praktike e Ngushticës së Hormuzit, një rrugë kryesore për transportin e naftës dhe gazit, ka ndikuar drejtpërdrejt në tregun e energjisë.
Ekspertët thonë se disa linja ajrore tashmë kanë filluar të rrisin çmimet, veçanërisht për klasat premium, ndërsa drejtori ekzekutiv i United Airlines paralajmëron se ndikimi në çmimet e biletave mund të ndihet shumë shpejt.
Sinjali – aty ku e vërteta flet para lajmit!
