Lionel Messi ka shpallur 10 futbollistë të rinj që ai i konsideron si “e ardhmja e futbollit”, lojtarë që mund të dominojnë lojën për shumë vite.
Si pjesë e një fushate reklamash për Adidas, Messi – i konsideruar nga shumëkush si lojtari më i mirë i të gjitha kohërave – iu kërkua të përzgjedhë 10 të rinj për t’u mbajtur nën vëzhgim.
Ky nuk është hera e parë që Messi bën këtë përzgjedhje, pasi e ka bërë edhe vitin e kaluar për Adidas, në përputhje me lançimin e këpucëve “Messi+10” F50.
Messi, duke nxjerr kartat
Në vitin 2024, mes të rinjve të përzgjedhur ishin Lamine Yamal, Antonio Nusa, Jaedyn Shaw dhe Vicky Lopez, të cilët u dalluan si yje në rritje të futbollit botëror.
Talente nga Liverpool dhe Chelsea në listën e Messit
Mes të rinjve të përzgjedhur këtë vit janë edhe tre lojtarë të ardhshëm të Ligës Premier. Njëri prej tyre është talenti i Liverpoolit, Rio Ngumoha, i cili së fundmi nënshkroi kontratën e tij të parë profesionale me klubin.
Ngumoha ka bërë histori në Liverpool, duke u bërë lojtari më i ri në histori që startoi një ndeshje konkurruese në janar dhe shënuesi më i ri i golave për klubin pas fitores ndaj Newcastle në maj.
Andrey Santos, mesfushori i Chelseat, është gjithashtu në këtë listë, ashtu si dhe talenti ekuadorian Kendry Paez, aktualisht i huazuar te Strasbourg në Ligue 1.
Yje të rinj të tjerë të përzgjedhur, aty edhe Brajan Gruda
Nga Liga Premier, përveç Ngumohas dhe Santos, Messi përmend edhe Brajan Gruda të Brighton. Ylli shqiptar që luan për Gjermaninë, nga shumë kush konsiderohet si i tillë, por ai nuk ka pranuar të luajë për Shqipërinë.
Emri i Bryan Grudës
Nico Paz, bashkëkombësi i Messit që po shkëlqen me Comon, shfaqet gjithashtu si një lojtar me të ardhme të ndritshme.
Lista përfshin edhe Rodrigo Mora, Mika Godts dhe Kader Meite, ndërsa për femrat u përzgjodhën Lily Yohannes nga Lyon dhe Clara Serrajordi nga Barcelona, duke plotësuar kështu 10 yjet e ardhshëm sipas zgjedhjes së Messit. /Telegrafi/
– YouTube www.youtube.com