Kylie Jenner ka tërhequr vëmendjen e fansave me një set të ri fotografish në Instagram, ku shfaqet me një pamje të guximshme dhe elegante.
28-vjeçarja, e njohur për stilin e saj unik dhe paraqitjet provokuese, zgjodhi një veshje lëkure të zezë për një dalje në mbrëmje, duke nxjerrë në pah barkun dhe këmbët e skalitura.
Ylli i “Keeping Up With The Kardashians” kishte kombinuar një minifund të shkurtër prej lëkure me një xhaketë të madhe, të hapur në pjesën e përparme, ndërsa një rrip i trashë theksonte belin e saj, shkruan DailyMail.
Pamjen e kompletonin këpucët me majë argjendi, ndërsa flokët brune i kishte mbledhur lart me një prerje elegante.
Grimi i Jenner ishte minimalist, duke theksuar freskinë e fytyrës së saj me një skuqës rozë të lehtë, rimel dhe një nuancë buzësh nude të kombinuar me laps më të errët.
Fotografitë e saj morën menjëherë pëlqime dhe komente nga fansat dhe të afërmit, përfshirë Kris Jenner dhe Khloe Kardashian, të cilat nuk ngurruan ta komplimentonin publikisht.
Përveç paraqitjeve të saj në rrjetet sociale, Kylie ka reflektuar edhe mbi ndryshimin e stilit personal gjatë viteve.
Ajo ka pranuar se sot preferon më shumë thjeshtësinë dhe kujdesin për lëkurën, duke lënë më pak vend për grim të rëndë.
Ndërkohë, këtë vit, Kylie Cosmetics shënon 10-vjetorin e themelimit, një moment krenarie për magnaten e re të bukurisë.
Jenner, e cila është nënë e dy fëmijëve, Stormi dhe Aire, vijon të ndajë momente nga jeta e saj private me ndjekësit, duke treguar se përveç suksesit në biznes, për të më e rëndësishme mbetet familja dhe roli i saj si nënë. /Telegrafi/
