Fushatat zgjedhore për zgjedhjet e 9 shkurtit kanë nisur me aktivitete të shumta nga partitë kryesore në Kosovë.
Lëvizja Vetëvendosje (LVV) hapi fushatën në Gjakovë, një vendim që sipas analistes Magbule Shkodra, synon të rehabilitojë imazhin e Mimoza Kusarit pas kritikave të shumta për një bisedë me Radoiçiqin dhe pasojave që ajo krijoi.
Megjithatë, fushata e LVV-së është kritikuar për mungesë konkretizimi në plane dhe për fokus të madh te kundërshtarët politikë, nga panelistët e tjerë në studio, njofton Klankosova.tv.
Në anën tjetër, Lidhja Demokratike e Kosovës (LDK) dhe Aleanca për Ardhmërinë e Kosovës (AAK) u vlerësuan për organizime elegante dhe entuziaste. Sipas të ftuarve në emisionin “Ora Shtatë” në Klan Kosova, LDK-ja u shqua për skenografinë dhe entuziazmin, ndërsa AAK-ja për organizimin e mirë dhe fjalimet e përqendruara të Ramush Haradinajt, megjithëse disa i konsideruan sulmuese.
Partia Demokratike e Kosovës (PDK) u fokusua te figura e ish-liderëve të saj, Hashim Thaçi dhe Kadri Veseli, sipas gazetarit Ardian Gaxherrit.
Ai theksoi se partia duhet të fokusohet më shumë në të ardhmen, ndonëse fushata e saj u vlerësua si e moderuar dhe pa sulme të ashpra ndaj qeverisë.
Për të dëgjuar diskutimin e plotë në studio, ndiqeni videon e mëposhtme:
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
