Kryetari i Bashkisë së Barcelonës, Jaume Collboni, njoftoi se Gaza dhe qytete të tjera palestineze do të bëhen simbolikisht lagjja e 11-të e Barcelonës, me qëllim forcimin e bashkëpunimit dhe solidaritetit.
Kjo njësi teknike dhe buxhetore brenda strukturës komunale të Barcelonës do të koordinojë projektet me qytetet palestineze dhe agjencinë e OKB-së për refugjatët palestinezë, UNRWA.
“Ky nuk është më një bashkëpunim i vetëm me vizita, por një strukturë e përhershme, e projektuar për të shfrytëzuar talentin e teknikëve komunalë”, tha Collboni. Ai shtoi se struktura mund të vendoset edhe në territorin palestinez ose në Jordani. Ky projekt është i ngjashëm me atë të vitit 1995, kur Barcelona e caktoi Sarajevën lagje simbolike për të mbështetur rimëkëmbjen pas gjenocidit të Srebrenicës.
Collboni gjithashtu u zotua të dyfishojë fondet për UNRWA-n, nga 200 mijë në 400 mijë euro për ushqim dhe ilaçe, dhe të rrisë bashkëpunimin teknik me qytete si Gaza, Ramallah dhe Betlehemi. Ai planifikoi një vizitë në Izrael dhe Palestinë, por autoritetet izraelite ia ndaluan hyrjen.
“Ne do të fillonim një mision bashkëpunimi dhe paqeje, duke i kushtuar vëmendje kryetarëve të bashkive të Betlehemit dhe Ramallahut. Objektivi ishte të njihnim nga afër realitetin e qyteteve palestineze dhe të eksploronim mënyrat e ndihmës nga Barcelona në këto momente kritike”, deklaroi Collboni.
Sinjali – aty ku e vërteta flet para lajmit!