Ish-trajneri i Liverpoolit, Jurgen Klopp, thuhet se ka hartuar një listë me lojtarët që dëshiron të sjellë në skuadër, në rast se vendos të marrë drejtimin e Real Madridit sezonin e ardhshëm.
Klopp nuk ka qenë i angazhuar në një rol menaxheri që kur e la Liverpoolin në verën e vitit 2024.
Aktualisht, Los Blancos po udhëhiqen nga ish-mbrojtësi Alvaro Arbeloa, por rezultatet e skuadrës nën drejtimin e tij kanë qenë të paqëndrueshme, ndonëse ekipi ka mundur Benficën në fazën eliminatore dhe ka arritur në 1/8-tën e Ligës së Kampionëve.
Ata vijnë pas një humbjeje zhgënjyese 1-0 në shtëpi ndaj Getafes në La Liga të hënën, duke i mbajtur katër pikë prapa liderëve të tabelës, Barcelonës, me 12 ndeshje të mbetura.
Ndërsa spekulimet rreth të ardhmes afatgjatë të Arbeloas shtohen, sipas Football 365, Drejtori i Futbollit i Red Bull, Klopp, është shfaqur si një pretendentë i fortë për të pasuar Arbeloan.
Sipas raportimeve në mediat spanjolle, gjermani ka kërkuar katër largime dhe po aq nënshkrime të reja, përfshirë Rodrin, i cili thuhet se është një transferim ‘i panegociueshëm’.
Fran Garcia, Dani Ceballos, Franco Mastantuono dhe David Alaba raportohet të jenë katër lojtarët që do të largohen.
Sa i përket lojtarëve të rinj, përveç Rodrit, Klopp do të donte të kishte në shënjestër edhe qendërmbrojtësin e Dortmundit, Nico Schlotterbeck, mesfushorin e Paris Saint-Germain, Vitinha dhe sulmuesin e Juventusit, Kenan Yildiz, i cili është edhe një objektiv i Liverpoolit.
Megjithatë, sipas ekspertit të transferimeve Fabrizio Romano, Klopp është “plotësisht i përkushtuar” ndaj rolit të tij aktual te Red Bull dhe se nuk ka pasur “negociata të drejtpërdrejta” nga bordi i Madridit për të sjellë gjermanin në ekip.
Sinjali – aty ku e vërteta flet para lajmit!
