Kina ka akuzuar SHBA për shkelje të rëndë të armëpushimit tregtar, duke paralajmëruar se do të ndërmarrë masa të forta për të mbrojtur interesat e saj.
Ministria e Tregtisë e Kinës tha se veprimet e Uashingtonit kanë “minuar seriozisht” marrëveshjen e arritur gjatë bisedimeve të fundit në Gjenevë, muajin e kaluar, kur të dy vendet ranë dakord të ulën tarifat për mallrat që importohen nga njëri-tjetri.
Zëdhënësi i Ministrisë shtoi se SHBA ka shkelur rëndë konsensusin e arritur gjatë një telefonate mes udhëheqësit të Kinës, Xi Jinping, dhe Presidentit Donald Trump në janar.
Komentet e Pekinit vijnë pas deklaratave të Presidentit Trump, i cili të premten tha se “Kina ka shkelur plotësisht marrëveshjen e saj me ne”, por pa dhënë detaje të mëtejshme. Më vonë, përfaqësuesi i tregtisë Jamieson Greer tha se Kina nuk i kishte hequr barrierat jo-tarifore, siç ishte rënë dakord në marrëveshjen e bisedimeve.
Sipas armëpushimit tregtar të arritur më maj në Gjenevë, SHBA uli tarifat për mallrat nga Kina nga 145% në 30%, ndërsa tarifat hakmarrëse të Kinës ndaj mallrave amerikane ranë nga 125% në 10%.
Të hënën, Pekini deklaroi se shkeljet nga ana e SHBA përfshinin ndalimin e shitjes së softuerëve të dizajnit të çipave kompjuterikë për kompanitë kineze, si dhe paralajmërime ndaj përdorimit të çipave të prodhuar nga gjiganti kinez Huawei. Gjithashtu, Kina akuzoi SHBA për anulimin e vizave për studentët kinezë.
Sinjali – aty ku e vërteta flet para lajmit!
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
