Komisioni Qendror i Zgjedhjeve i ka publikuar rezultatet për deputetë.
Kur janë procesuar 90.41 për qind e votave, kjo është 10-shja më e votuar e kandidatëve të Lidhjes Demokratike të Kosovës.
Lumir Abdixhiku, kryetari i LDK-së në zgjedhjet e 9 shkurtit si kandidat për kryeministër ka arritur t’i marrë 109 mijë e 202 vota.
E dyta për nga pesha renditet, Doarsa Kica-Xhelili, e cila është votuar hiç më pak se 44 mijë e 738 herë.
Vendin e tretë e zë njëra prej deputeteve më të zëshme të legjislaturës së kaluar.
Hykmete Bajrami, mori 41 mijë e 796 vota.
Vendin e katërt në listë e zë Kujtim Shala, me 37 mijë e 886 vota.
Anton Quni, ka arritur t’i marrë 27 mijë e 292 vota, e pas tij vjen ish-kryetari i Gjilanit Lutfi Haziri.
Haziri mori 27 mijë e 260 vota.
E shtata me radhë është Jehona Lushtaku – Sadriu.
Ajo në këto zgjedhje mori 22 mijë e 122 vota.
Top 10-shen e LDK-së e plotësojnë tre kryetarët aktual të komunave, Pejës e Vitisë dhe Lipjanit.
Kryetari i Lipjanit, Imri Ahmeti, i ka 18 mijë e 397 vota.
Kurse, Gazmend Muhaxheri e Sokol Haliti, i kanë 15 mijë e 300 përkatësisht 12 mijë e 889 vota.
Mbetet të shihet nëse do të ndryshojë kjo renditje deri në procesimin e plotë të votave. / Klankosova.tv
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
