Prokuroria Speciale e Kosovës, ka kërkuar paraburgim për Agim Rexhepin, i cili u arrestua në kuadër të operacionit “Qielli i thyer”.
Në njoftimin e PSRK-së thuhet se ai është arrestuar nën dyshimet për veprat penale “Pjesëmarrja ose organizimi i grupit kriminal të organizuar” lidhur me veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.
Po ashtu bëhet e ditur se personi në fjalë po hetohet edhe për veprën penale “Shpërlarja e parave” në lidhje me trafikimin e narkotikëve dhe pastrimit të parave.
“A. R dyshohet ndër të tjera se ka tentuar të bëjë tjetërsimin e pronave për të cilat ekziston dyshimi i bazuar se janë dobi pasurore e fituar me veprat penale me qëllimin të shmang procedurën e konfiskimit në të ardhmen”, thuhet në njoftimin e Prokurorisë Speciale transmeton Klankosova.tv.
Rexhepi u lirua fillimisht pas dhënies së dorëzanisë prej 50 mijë eurosh, por i njëjti pas raportimit të Klankosova.tv u prangos sërish.
The post Kërkohet paraburgim për Agim Rexhepin, i dyshuar për shpëlarje parash dhe trafikim me narkotikë appeared first on Klan Kosova.
