Gazetari dhe autori i emisionit Rubikon, Adriatik Kelmendi, ka folur pas intervistës që e pati me anëtarin e kryesisë së PDK-së, Enver Hoxhaj.
Kelmendi e përmendi deklarimin ekskluziv të Hoxhajt i cili tha se në zgjedhjet e ardhshme planifikon të kandidojë për kryetar të PDK-së dhe theksoi së do ta votonte një koalicion PDK-VV.
“Të gjitha këto, derisa në një studio tjetër, në orar të njëjtë, Memli Krasniqi, i rizgjedhur kryetar gjatë vikendit, po e thoshte krejt të kundërtën, se LVV-ja nuk mund të llogarisë në koalicion me PDK-në dhe se ‘e kanë listën serbe’”.
“Vijat e kuqe me LVV-në, Hoxhaj i quajti kalkulime parazgjedhore të partive. Përndryshe, intervista e Hoxhajt në Rubikon nuk ishte e paralajmëruar në faqen në Fb të PDK-së, derisa paraqitjet e tjera televizive po”, shkroi Kelmendi, transmeton Klankosova.tv.
Tutje, Kelmendi tha se kjo është garë e brendshme e ideve në PDK, mes ish-ushtruesi i detyrës së kryetarit të PDK-së, Hoxhaj, me kryetarin aktual, Krasniqin.
The post Kelmendi: Hoxhaj në Rubikon pro koalicionit me LVV-në, Memli në një studio tjetër kundër appeared first on Klan Kosova.
