Supermodelja 51-vjeçare zgjodhi një fustan mëndafshi të zi me dekolte asimetrike, rrudha në bel dhe bisht të shkurtë, të kombinuar me taka të zeza dhe aksesorë shkëlqyes, duke përfshirë unaza të trasha dhe vathë me diamant.
Richard Caring dukej elegant me smoking krem dhe pantallona të zeza, ndërsa Patricia tërhoqi vëmendjen me fustan të zi të gjatë, dekolte të thellë dhe mëngë të çara nga supet, të kompletuar me doreza dhe gjerdan me diamante.
Mes të ftuarve ishin artisti Marc Quinn dhe modeli Adot Gak, të cilët mahnitën me stilin e tyre unik, duke kontribuar në atmosferën glamuroze të eventit, shkruan DailyMail.
Gala përfshiu një performancë surprizë nga Ronan Keating, i cili interpretoi hitet “When You Say Nothing At All” dhe “Rollercoaster”, duke emocionuar të ftuarit dhe duke nxjerrë në pah rëndësinë e Fondacionit të Familjes Caring për ruajtjen e pyllit tropikal të Amazonës.
Mbrëmja u bashkë-prezantua nga komediani Rory Bremner dhe përfshiu një ankand bamirësie të udhëhequr nga Simon de Pury, ku pjesëmarrësit bënë oferta për darka private me Kate Moss, pjesëmarrje në Galanë e Fondacionit Elton John AIDS dhe vepra arti nga artistë të njohur.
Fushata “Annabel’s for the Amazon” ka për qëllim mbledhjen e fondeve për projekte ripyllëzimi në Amazon dhe mbështetje për iniciativa sociale për gratë dhe fëmijët, si në Mbretërinë e Bashkuar, ashtu edhe në Brazil.
Kate Moss dhe Richard e Patricia Caring rrezatuan elegancë dhe stil, duke kombinuar modën dhe bamirësinë në një mbrëmje të paharrueshme në Londër. /Telegrafi/
