Barcelona mund të vulosë vendin e saj në gjysmëfinale të Ligës së Kampionëve këtë të martë. Skuadra e Flick vjen me një avantazh të konsiderueshëm pas fitores 4-0 që arriti në ndeshjen e parë.
Me përjashtim të një debakli që askush nuk e pret, katalanasit do të jenë në turin e ardhshëm, i cili tashmë është një sukses i madh, sepse ata nuk kanë arritur në gjysmëfinale në këtë kompeticion pas gjashtë vitesh.
Krahas suksesit të padyshimtë sportiv, kualifikimi do të përbënte një shtysë të konsiderueshme financiare për klubin, pasi katër skuadrat që kualifikohen në këtë raund do të përfitojnë secila nga 15 milionë euro.
Në këtë pikë, Barcelona ka fituar tashmë 67 milionë nga Champions League këtë sezon./Indeksonline/
