Policia greke ka goditur një tjetër rast trafiku të drogës në kufirin e gjelbër greko-shqiptar, duke sekuestruar një sasi të konsiderueshme heroine dhe arrestuar një shtetas shqiptar.
Operacioni u zhvillua nga sektori anti-krim i Ksanthit në bashkëpunim me sektorin anti-drogë të Follorinës, pas informacioneve se një sasi droge do të kalonte kufirin pranë Kapshticës për në Greqi.
Gjatë ndërhyrjes, policia ndaloi një 50-vjeçar shqiptar, i cili po transportonte një çantë në të cilën u gjetën 43 pako me gjithsej 21.5 kilogramë heroinë.
Autoritetet greke kanë nisur procedurat e mëtejshme hetimore lidhur me rastin.
Sinjali – aty ku e vërteta flet para lajmit!