Eksperti i sigurisë Fadil Kajtazi ka folur për arrestimin e shtetases serbe të Republikës së Kosovës, Ana Murganiq, ndaj të cilës dhe partnerit të saj, Prokuroria e Qarkut në Split ka hapur hetim për spiunazh.
Në emisionin “Edicioni Special” në Klan Kosova, ai ka pohuar se Ana Murganiq pati hapësirë të mjaftueshme për të operuar në Kosovë, pasi sipas tij, e ka njohur mirë veriun e vendit.
“Gjithsesi, është në praktikën e spiunimit zakonisht këto janë teknika ose taktikat të kamufilimit, ose kamuflohesh në një gazetar, apo përkthyes, apo në një punëtor që ka qasje të papenguar në një hapësirë për të cilën shërbimi që e angazhon është i interesuar”, tha Kajtazi.
“Zonja ka pasë këtë mundësi edhe për shkak ta njohurive që ka pasë në pjesën veriore edhe për shkak të pozitës që ia ka krijuar favoret si punëtore e UNMIK-ut, ka pasë hapësirë të mjaftueshme për të operuar dhe kontaktuar persona me vetëdije dhe pavetëdije që i ofrojnë informacione me interes për shërbimin që ka punuar”, u shpreh Kajtazi.
I njëjti theksoi se për cilindo shërbim që ka punuar Murganiq, spiunimi është i dënueshëm.
“Tani kjo informata e fundit se ajo ka deklaruar se ajo ka qenë agjente e BND-së mund ta komplikojë pak situatën, edhe sikur të jetë agjente e BND-së, spiunimi apo kapja me presh në dorë është e dënueshme edhe me ligje të Kosovës, por këtë rast implikohet edhe një shtet i NATO-s që është Kroacia”,tha Kajtazi. /Klankosova.tv
The post Kajtazi: Deklarata e serbes së kapur në Kroaci për lidhje me BND-në e komplikon rastin, por spiunimi dënohet appeared first on Klan Kosova.