Një nga lojtarët që ka pasur performancën më të dobët në këtë pjesë të hershme të sezonit për Juventusin është Teun Koopmeiners.
Mesfushori holandez nuk ka arritur të ketë ndikim sa herë që është thirrur nga trajneri Igor Tudor.
Kështu, sipas Sportmediaset, klubi bardhezi është i përgatitur të shqyrtojë shitjen e tij që në afatin kalimtar të janarit nëse nuk ka ndonjë ndryshim në performancat e tij.
I transferuar nga Atalanta një vit më parë në një marrëveshje me vlerë 60.7 milionë euro, përfshirë bonuset, gjetja e një blerësi nuk do të jetë e lehtë.
Për këtë arsye, një transferim në formë huazimi nuk mund të përjashtohet, duke i dhënë lojtarit një shans për të rindërtuar vlerën e tij larg Torinos.
Çmimi aktual i mesfushorit holandez në treg vlerësohet të jetë 35 milionë euro. /Telegrafi/