Justin Bieber ka befasuar fansat e tij duke ndarë për herë të rrallë imazhe me djalin e tij 12-muajsh, Jack Blues, të enjten në mbrëmje.
31-vjeçari publikoi disa fotografi në Instagram ku shihet duke kaluar kohë me të birin në natyrë dhe në makinë, duke u siguruar që fytyra e vogëlushit të mos shfaqej, siç kanë bërë gjithmonë ai dhe bashkëshortja e tij, Hailey Bieber.
Në një prej fotografive, këngëtari shihet duke mbajtur Jack-un në krahë, ndërsa vogëlushi i mbante dorën babait të tij, shkruan DailyMail.
Një tjetër imazh e paraqiste djalin duke qëndruar në prehërin e Justin në sediljen e makinës dhe duke parë jashtë nga xhami i përparmë.
Përveç tyre, ai ndau edhe një fotografi të realizuar gjatë një seti fotografik për albumin e tij më të fundit, Swag, ku Jack-u shihet i ulur mbi gjoksin e mbushur me tatuazhe të babait.
Publikimi i këtyre momenteve intime erdhi vetëm disa orë pasi Bieber shkaktoi reagime të përziera me një postim të pazakontë, ku shfaqej duke ngarë një Segway në natyrë, i veshur vetëm me të brendshme.
Pamjet u komentuan gjerësisht nga fansat, me disa që e kritikuan, e disa të tjerë që e panë si “klasike Bieber”.
Pas kohës së kaluar me Jack-un, këngëtari duket se e shijoi edhe një natë në qytet me miqtë, duke ndarë fotografi nga një sallë biliardi dhe darts.
Ai i mbeti besnik stilit të tij të thjeshtë me xhinse, kapuç dhe atlete, ndërsa u shfaq për herë të parë me mjekrën e re që ka debutuar këtë muaj.
Ndërsa Hailey dhe djali i tyre nuk janë parë në këto postime, fansat mbeten të intriguar nga mënyra se si çifti zgjedh të ndajë momente të rralla familjare, duke mbajtur privatësinë për jetën e Jack-ut, por njëkohësisht duke i dhënë publikut një vështrim të shkurtë në përditshmërinë e tyre. /Telegrafi/